Михаил Кукушкин Буюк Британиядаги турнирнинг чорак финалига чиқди

ASTANA. Kazinform – Дунёнинг 136-ракеткаси қозоғистонлик Михаил Кукушкин Сурбитонда (Буюк Британия) ўтказилган челленжер турнирнинг чорак финалига чиқди.

Қозоғистонлик теннисчи иккинчи даврада дунё рейтингида 308-ўринни эгаллаб турган корт соҳиби Пол Жубга тўқнаш келди.

Биринчи партияда британиялик спортчи яққол устунликка эга бўлганди - 6:1. Бироқ бундан кейин Кукушкин камбэк қилишга муваффақ бўлди - 6:3, 6:2.

Қарийб икки соат давом этган баҳсда Кукушкин 3 та эйс, 4 та брейк (10 та брейк-пойнт) билан ажралиб турди. Жубб 3 та эйс, 3 та брейк (7 та брейк-пойнт) олди.

Михаил Кукушкин ярим финалга чиқиш учун дунёнинг 201-ракеткаси, яна бир буюк британиялик Билли Харрис билан куч синашади.

Агар 1/8 финалда 171-ўринни эгаллаб турган Бейбит Жуқаев дунё рейтингида 105-ўринни эгаллаб турган австралиялик Жеймс Даквортни мағлуб эта олса, у ҳам чорак финал йўлланмасини қўлга киритади.