Михаил Кукушкин АҚШда Олимпиада совриндорини мағлуб этиб, чорак финалга йўл олди

ASTANA. Kazinform – Дунёнинг 121-ракеткаси қозоғистонлик теннисчиси Михаил Кукушкин Кэри (АҚШ) челленжер турнирининг чорак финалига чиқди.

Қозоғистонлик теннисчи иккинчи даврада рейтингда 14-ўринга кўтарилган ва айни дамда 99-ўринни эгаллаб турган россиялик, миксдан Токио Олимпиадаси кумуш медали совриндори, АТР турнирларининг 4 карра ғолиби Аслан Карацев билан куч синашди.

Биринчи сетдаги тай-брейкда Кукушкин олдинга чиқиб олди - 7:6 (7:2).

Иккинчисида Карацев ўйин назоратини ўз қўлига олди - 6:3.

Учинчи, ҳал қилувчи сетда Кукушкин яққол устунлик қилди.

Икки соату 40 дақиқа давом этган баҳсда қозоғистонлик спортчи учта эйс билан бирга 10 та брейк-пойнтдан фақат иккитасини ишлатди. Карацев 8 эйс, 1 брейк (6 брейк-пойнт) билан ажралиб турди.

Михаил Кукушкин ярим финалга чиқиш учун дунёнинг 113-ракеткаси италиялик Маттиа Беллуччи билан куч синашади.

Айни пайтда М.Кукушкин ATP Live рейтингида 117-ўринни эгаллаб турибди.

Эслатиб ўтамиз, аввалроқ Жибек Қуламбаева Сербияда кэмбек қилгани ва турнирнинг 7-ракеткасини мағлуб этгани ҳақида ёзган эдик.

Юлия Путинцева Цинциннати турнирининг жуфтлик баҳсларида ҳам ғолиб чиқди.