МДҲ Бош котиби Сергей Лебедев: Кун тартибида 13 масала ва 17 ҳужжат лойиҳаси бор

ALMATY. Kazinform – Алмати шаҳрида МДҲ Ташқи ишлар вазирлари кенгашининг йиғилиши бўлиб ўтмоқда. Кун тартибига 13 масала ва 17 ҳужжат лойиҳаси киритилган. Бу ҳақда Мустақил Давлатлар Ҳамдўстлиги бош котиби Сергей Лебедев маълум қилди.

Унинг сўзларига кўра, йиғилиш иштирокчилари томонидан маъқулланса, қайд этилган ҳужжатлардан олтитаси кўриб чиқиш учун Давлат раҳбарлари кенгашига юборилади.

Жумладан, 13-сон – Ғалабага ҳисса қўшган шаҳарларга “Меҳнат шуҳрати шаҳри” унвонини бериш тўғрисидаги масалани 9 майга қадар ишчи тартибда имзолаш учун давлат раҳбарларига юбориш таклиф этилмоқда.

Сергей Лебедев, шунингдек, бир кун аввал ҳукуматнинг ички тартиб-қоидалари тугалланмагани учун учта масала кун тартибидан олиб ташланганини қайд этди.

Бироқ, улар устида ишлаш давом этмоқда ва улар Ҳамдўстлик кун тартибида, аммо кейинга қолдирилмоқда.

Бундан ташқари, яқин вақт ичида яна бешта ҳужжат кўриб чиқиш учун тақдим этилиши режалаштирилган.

“Бугун кўриб чиқилаётган ҳужжатлар бўйича барча таклиф ва мулоҳазалар кечаги йиғилишда иштирокчи-давлатлар вакиллари билан аввал келишиб олинди. Шундай қилиб, барча ҳужжатлар кўриб чиқишга тайёр”, – деди Лебедев.

Эслатиб ўтамиз, Алматида МДҲ Ташқи ишлар вазирлари кенгаши бўлиб ўтмоқда.