Машҳур теннисчи Новак Жокович Уимблдонда ўз рекордини янгилади

LONDON. Кazinform - Сербиялик теннисчи, дунёнинг 2-ракеткаси Новак Жокович Уимблдон турнирининг финал босқичига йўлланма олди.

Бу унинг “Катта дубулға” турниридаги 37-финали. Шу тариқа Новак ўз рекордини янгилади. Эслатиб ўтамиз, икки йил аввал спорт фаолиятини якунлаган швейцариялик Рожер Федерер 31 марта финалга чиққан.

37 ёшли Жокович, шунингдек, 24 марта “Катта дубулға” чемпионлигини қўлга киритган. Бу ҳам рекорддир. Бунгача у 2023 йилги АҚШ очиқ чемпионатида ғалаба қозонган.

Ярим финалда сербиялик спортчи дунё рейтингида 25-ўринни эгаллаб турган италиялик Лоренцо Музеттини 6:4, 7:6 (7:2), 6:4 ҳисобида мағлуб этди.

Новак якшанба куни бўлиб ўтадиган финалда жаҳоннинг 3-ракеткаси 21 ёшли испаниялик Карлос Алькарас билан чемпионлик учун курашади. Ўтган йили Алькарас беш сет давом этган ҳал қилувчи баҳсда Жоковични мағлуб этганди - 1:6, 7:6 (8:6), 6:1, 3:6, 6:4.

Эслатиб ўтамиз, Уимблдонда қозоғистонлик ўсмир қизлар чорак финалга чиқди.