Буни мамлакат Марказий сайлов комиссияси вазифаларини бажарувчи олий сайлов суди маълумотлари ҳам тасдиқлайди. Баённомаларнинг 97,69 фоизи қайта ишланганидан сўнг, овоз бериш натижаси математик жиҳатдан ўзгармас экани маълум бўлди.
Расмий статистикага кўра, сўл қанотдаги Меҳнат партияси раҳбари 51,74 фоиз овоз тўпламоқда. Унинг рақиби — ўнг қанот мухолифати вакили, сенатор Флавиу Болсонару эса 48,26 фоиз овоз олмоқда. Унинг ортда қолган фарқни қоплаш учун математик имконияти йўқ.
Лула да Силва Бразилиянинг замонавий тарихида президентлик сайловининг биринчи босқичида ортда қолганидан кейин ғалаба қозонган илк сиёсатчи бўлди. Давлат раҳбарининг янги ваколат муддати 2027 йил 1 январда бошланади.
Сайловнинг иккинчи босқичида 127 807 732 нафар сайловчи иштирок этди. Сайловчилар иштироки 80,79 фоизни ташкил қилди, сайлов участкаларига келмаган фуқаролар улуши эса 19,21 фоизга тенг бўлди. Бу 30 381 854 нафар кишини ташкил этади.
Жами 1 426 055 та бюллетень ёки умумий овозлар сонининг 1,12 фоизи бўш деб топилди. Яна 2 713 225 та бюллетень, яъни 2,12 фоизи ҳақиқий эмас деб топилди.