ҚР Миллий банки ва Хитой Халқ банки ўртасида ҳамкорлик меморандуми имзоланди
17:14, 21 Сентябр 2022
ASTANA. Kazinform - Қозоғистон Республикаси Миллий банки ва Хитой Халқ банки ўртасида ҳамкорлик тўғрисидаги меморандум имзоланди, дея хабар бермоқда Kazinform Миллий банк расмий сайтига таяниб.
Унда келтирилган маълумотларга кщра, Меморандум Қозоғистон-Хитой Молиявий ҳамкорлик бўйича қуйи қўмитасининг ўзаро ҳисоб-китобларда миллий валюталардан фойдаланиш бўйича қарорларини амалга ошириш доирасида Қозоғистонда ўзаро ҳисоб-китобларни ривожлантиришга қаратилган.
Меморандум марказий банкларнинг миллий валюталарда клиринг ва трансчегаравий ҳисоб-китобларни ривожлантириш бўйича маълумотлар алмашинуви бўйича келишувларини тасдиқлайди.
«Меморандумнинг имзоланиши Қозоғистон ва Хитой ўртасида молиявий соҳада Қозоғистон-Хитой ҳамкорлигини мустаҳкамлаш йўлидаги янги қадам бўлиб, трансчегаравий ҳисоб-китобларда миллий валюталардан кенгроқ фойдаланишга, шунингдек, ўзаро савдо ва инвестиция фаолиятини ривожлантиришга хизмат қилади»
, - дейилади хабарда.