ASTANА. Kazinform - Қозоғистон ва Бавария (Германия Федератив Республикаси) ўртасидаги ҳамкорлик истиқболлари Қозоғистон Республикаси Бош вазирининг биринчи ўринбосари Роман Скляр ва Бавария Иқтисодиёт, ерни ривожлантириш ва энергетика вазирлиги статс-котиби Роланд Вайгерт ўртасидаги учрашувда муҳокама қилинди. Бу ҳақда Kazinform Қозоғистон Республикаси Бош вазири матбуот хизматига таяниб хабар беради.
Учрашувда Қозоғистон-Германия савдо-иқтисодий ва сармоявий ҳамкорликни чуқурлаштириш, «яшил» иқтисодиётни ривожлантириш, шунингдек, қўшма лойиҳаларни амалга ошириш масалалари кўриб чиқилди.
Роман Скляр Бавария Ҳукумати вакилларини қарши олар экан, Германия Қозоғистоннинг Европа Иттифоқидаги энг муҳим ҳамкори эканини таъкидлади. Қозоғистон Республикаси Бош вазирининг биринчи ўринбосари энергетика, саноат, транспорт-логистика саноати ва бошқа устувор йўналишларда ҳамкорликни янада чуқурлаштиришдан манфаатдорлигини билдирди.
Бавария делегацияси раҳбари Роланд Вайгерт икки мамлакат давлат органлари ва бизнес тузилмалари ўртасидаги ўзаро ҳамкорлик даражасини юқори баҳолади. Германия компаниялари билан ишлаш бўйича Махсус ишчи гуруҳи фаолияти самарадорлигини қайд этди. Делегация вакиллари, шунингдек, немис бизнесининг конларни ўзлаштиришда иштирок этиши, иқтисодиётнинг энергетика ва транспорт соҳаларида ҳамкорлик қилишдан манфаатдор эканлигини билдирди.
Якунда «савол-жавоб» тарзида баҳс-мунозара бўлиб ўтди ва унда иштирокчилар амалий масалаларни амалга оширишнинг боришни муҳокама қилдилар.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.