ASTANA. Kazinform – 2023 йилнинг 9 ойи якунларига кўра, тўғридан-тўғри хорижий инвестициялар ялпи оқими ўтган йилнинг шу даврига нисбатан 11,3 фоизга камайган. Бу ҳақда ҚР Ташқи ишлар вазири ўринбосари Назира Нурбаева парламентнинг Халқаро ишлар, мудофаа ва хавфсизлик бўйича қўмитасининг иқтисодиётга хорижий сармояларни жалб этиш масалаларига бағишланган кенгайтирилган йиғилишида сўзлаган нутқида маълум қилди, дея хабар беради Kazinform мухбири.
– 2023 йилнинг 9 ойи якунларига кўра, тўғридан-тўғри хорижий инвестициялар ялпи оқими ўтган йилнинг шу даврига нисбатан 11,3 фоизга камайган ва қарийб 20 миллиард АҚШ долларини ташкил этган, – деди Назира Нурбаева.
Унинг сўзларига кўра, бу кўрсаткич сўнгги беш йилдаги худди шу даврдаги тўғридан-тўғри хорижий инвестициялар оқимининг ўртача даражасидан 9 фоизга юқори.
ТИВ маълумотларига кўра, ўтган йилнинг 9 ойи давомида саноат тармоқлари контекстида тўғридан-тўғри инвестицияларнинг энг катта ҳажми тоғ-кон саноатида – 8,6 миллиард доллар, ишлаб чиқариш саноатида – 3,9 миллиард доллар, улгуржи ва чакана савдода – 3,8 миллиард доллар, транспорт ва омборхона – 855 миллион АҚШ доллари, қурилиш – 413 миллион долларни ташкил этган.
Бутун 2023 йил учун маълумотлар жорий йил март ойи охирида эълон қилинади.
Ляззат Сейданова
Сейданова Ләззат Қалдыбековна Ташкент қаласында дүниеге келген. 1999 жылы Шымкент қаласындағы Халықаралық Экология Гумантарлық Академияның журналистика факультетін бітірген. Мамандығы журналист. Көп жылдар газет, журналдарда қызмет атқарған. Қазіргі таңда ҚР Президентінің Телерадиокешенінде “ҚазАқпарат” халықаралық агенттігінде жұмыс істеп келеді.