08:00, 27 Июн 2026

Қозоғистоннинг 2026 йилдаги энг яхши бешта сайёҳлик қишлоғи маълум бўлди

ASTANA. Kazinform - «Kazakh Tourism» миллий компанияси ҳар йили ўтказиладиган «Үздік туристік ауыл» танлови ғолибларини эълон қилди. Ташаббус барқарор ва экологик туризмни ривожлантиришга, шунингдек, табиий, тарихий ва маданий меросга эга аҳоли пунктларини тарғиб қилишга хизмат қилади, деб хабар беради Kazinform.

Фото: Kazakh Tourism

2026 йил якунларига кўра, мамлакатнинг энг яхши сайёҳлик қишлоқлари рўйхатига қуйидагилар кирди:

  • Басши (Жетису вилояти, Кербулак тумани);
  • Торайғир (Павлодар вилояти, Баянаул тумани);
  • Берел (Шарқий Қозоғистон вилояти, Қатон-Қарағай тумани);
  • Коробиха (Шарқий Қозоғистон вилояти, Қатон-Қарағай тумани);
  • Имантау (Шимолий Қозоғистон вилояти, Айиртау тумани).
Фото: Kazakh Tourism

Миллий компанияда эслатилишича, 2025 йилда танлов ғолиблари сифатида Лепси (Жетису вилояти), Наги Ильясов (Қизилўрда вилояти), Хан Ордаси (Ғарбий Қозоғистон вилояти), Поперечное (Шарқий Қозоғистон вилояти) ва Шабанбай би (Қарағанди вилояти) қишлоқлари эътироф этилган.

Бундан ташқари, Қозоғистонда қишлоқ туризми халқаро даражада ҳам эътироф этилмоқда. 2023 йилда Алмати вилоятининг Сати қишлоғи БМТ Туризм ташкилотининг нуфузли «Best Tourism Villages by UN Tourism» мукофотига сазовор бўлиб, дунёнинг энг яхши туристик қишлоқлари қаторига кирган.

Туризм Ҳудудлар Қишлоқ
Ляззат Сейданова
Сейданова Ләззат Қалдыбековна Ташкент қаласында дүниеге келген. 1999 жылы Шымкент қаласындағы Халықаралық Экология Гумантарлық Академияның журналистика факультетін бітірген. Мамандығы журналист. Көп жылдар газет, журналдарда қызмет атқарған. Қазіргі таңда ҚР Президентінің Телерадиокешенінде “ҚазАқпарат” халықаралық агенттігінде жұмыс істеп келеді.