Қозоғистонлик қиличбозлар Тошкентда бўлиб ўтадиган Жаҳон кубогида иштирок этадилар

ASTANА. Кazinform — Қиличбозлик (шпага) бўйича Жаҳон кубоги босқичи 3-6 декабрь кунлари Ўзбекистон пойтахти Тошкентда бўлиб ўтади.

Фото: ҚР МОҚ

Қозоғистон эркаклар терма жамоаси яккалик ва жамоавий мусобақаларда иштирок этади.

Яккалик баҳсларида иштирок этадиган миллий терма жамоа таркибида 12 спортчи бор. Улар: Руслан Қурбанов, Кирилл Проходов, Ерлик Сертай, Вадим Шарлаимов, Нуржан Абжанов, Эльмир Алимжанов, Александр Федотов, Алексей Касаткин, Богдан Лукин, Ғабидин Мустафин, Кирилл Павлов ва Георгий Тинников.

Жамоавий мусобақада Қозоғистон шарафини Руслан Қурбанов, Кирилл Проходов, Ерлик Сертай ва Вадим Шарлаимов ҳимоя қилади.

Таъкидлаш жоизки, аввалги Жаҳон кубоги Швейцариянинг Берн шаҳрида бўлиб ўтган эди. Ўша мусобақада Вадим Шарлаимов яккалик баҳсларида бронза медалини қўлга киритган эди.

Эслатиб ўтамиз, Тоқаев қозоғистонлик қиличбозларни Жаҳон кубоги босқичидаги ғалаба билан табриклади.