Қозоғистонлик атлет 100 метрга югуриш баҳсида маррага биринчи бўлиб етиб келиб, чемпионликни қўлга киритди. Виктория масофани 11,85 сонияда босиб ўтиб, ушбу мавсумдаги энг яхши натижасини қайд этди.
Иккинчи ўринни 11,92 сония натижа билан Ўзбекистон вакили Лайло Аллаберганова эгаллаган бўлса, кучли учликни 12,09 сония натижа кўрсатган Туркманистон спортчиси Валентина Мередова якунлади.
Қайд этиш жоизки, бир кун аввал Виктория Ан 200 метрга югуришда ҳам ғолиб бўлиб, олтин медални қўлга киритган эди. У мазкур масофани 24,05 сонияда босиб ўтиб, шоҳсупанинг энг юқори поғонасига кўтарилди.
Шу тариқа, Виктория Ан III Марказий Осиё чемпионатида 100 ва 200 метр масофаларда ғолиб бўлиб, мусобақанинг икки карра чемпионига айланди.
Шунингдек, 200 метрга югуришда қайд этилган 24,05 сониялик натижа Виктория Анга Японияда бўлиб ўтадиган XX Осиё ўйинларида иштирок этиш имконини беради.