Синоптикларнинг таъкидлашича, ушбу кунларда шимоли-ғарбий циклон ва у билан боғлиқ атмосфера фронтлари таъсирида Қозоғистоннинг аксарият ҳудудларида беқарор об-ҳаво кузатилади.
Ёмғир ва қор ёғади, мамлакатнинг шимолида ва шарқида эса яхмалак бўлиши кутилмоқда.
«Фақат Қозоғистоннинг ғарбида ва шимоли-ғарбида антициклон тармоғи таъсирида ёғингарчиликсиз об-ҳаво сақланиб қолади», — дейилади «Қазгидромет» РДК матбуот хизмати хабарида.
Республика бўйлаб шамолнинг кучайиши ҳам кутилмоқда. Жанубда кундузи чанг бўрони кузатилади.
Бундан ташқари, мамлакатнинг шимолида ва шарқида, жануби ҳамда жануби-шарқидаги тоғли ҳудудларда тунги ва эрталабки соатларда туман тушади.
Таъкидлаш жоизки, мамлакатда ҳарорат кўрсаткичларида сезиларли ўзгаришлар кутилмаяпти.