Қозоғистонда миграция қонунчилигини икки марта бузган Ўзбекистон фуқароси мамлакатдан депортация қилинди

Атирау вилоятида икки марта миграция қонунчилигини бузган хорижлик иши судда кўриб чиқилди. У суд қарори билан мамлакатдан депортация қилинди, деб хабар беради Kazinform мухбири.

Атирау вилояти Махамбет туман судида Ўзбекистон Республикаси фуқаросига нисбатан маъмурий ҳуқуқбузарлик тўғрисидаги иш кўриб чиқилди. Қўшни давлат фуқароси миграция соҳасидаги қонунчиликни икки марта бузган.

- Ўзбекистон Республикаси фуқароси Ю. Илгари у мамлакатнинг миграция соҳасидаги қонунчилигини бузганлиги учун Қозоғистон Республикаси Маъмурий жавобгарлик тўғрисидаги кодексининг 517-моддаси 5-қисми билан маъмурий жавобгарликка тортилган эди. Бироқ, Ю. 2023 йил 17 март куни у Қозоғистон Республикаси ҳудудига шахсий мақсадларда келиб, маҳаллий ижро ҳокимияти органининг рухсатисиз МЧЖга ишга жойлашган. Шундай қилиб, у ноқонуний меҳнат фаолиятини амалга оширган, - дея маълум қилди суд матбуот хизмати.

Суд маъмурий ишни кўриб чиқишда хорижлик 63 ёшда эканлигини ҳисобга олди. Чет эл фуқаросига нисбатан маъмурий қамоқ жазоси тайинланмаган. Суд қарорига асосан, Ўзбекистон Республикаси фуқароси Ю. айбдор деб топилиб, унга нисбатан Қозоғистон Республикаси ҳудудидан депортация қилиш тарзидаги маъмурий жазо тайинланди.

Суд қарори қонуний кучга кирди.

Муаллиф: Жолдасбек Шўпеғул