«Қозоғистонда ишлаб чиқарилган» бренди билан товарларни ихтиёрий сертификатлаш тизими яратилади
«Биз 2027 йилгача замонавий савдо форматлари улушини 70 фоизга етказишни режалаштирмоқдамиз. Бунинг учун 2023 йилга мўлжалланган бизнес йўл харитасида биринчи босқичда кредитлар бўйича фоизлар миқдорини субсидиялаш зарур. Иккинчи босқичда 2024 йилдан бошлаб замонавий савдо форматларини қуришни молиялаштириш бўйича алоҳида тармоқ дастури кўриб чиқилади. Шунингдек, минтақавий миқёсда натура шаклида грантлар бериш имкониятларини ҳам кўриб чиқиш зарур», — деди у.
Биринчи ўринбосарнинг сўзларига кўра, қонун жорий йил охиригача савдо соҳасида давлат назоратининг ягона механизмини жорий этиш тўғрисидаги Президент фармойишларини амалга ошириш доирасида қабул қилинади.
«Қозоғистонда ишлаб чиқарилган» бренди ва техник тартибга солиш воситалари билан товарларни ихтиёрий сертификатлаш тизимини яратиш орқали ички бозорни ҳимоя қилишнинг янги модели ишлаб чиқилди. Савдодаги техник тўсиқлар бўйича ситуацион штаб ташкил этилди. Импорт маҳсулотларини демпингдан ҳимоя қилиш ва ўзимизда ишлаб чиқаришни кўпайтириш мақсадида қонун ҳужжатларига ижтимоий аҳамиятга эга озиқ-овқат маҳсулотларига энг кам улгуржи нархларни жорий этиш бўйича ўзгартишлар киритилади», — деди Арман Шаққалиев.
Муаллиф: Марлан Жиембай