ASTANA. Kazinform - 2026 йилнинг биринчи беш ойи якунларига кўра, Қозоғистонда ички савдо ҳажми ошган, физик ҳажм индекси ўтган йилнинг шу даврига нисбатан 105,6% ни ташкил этди, деб хабар беради Kazinform агентлиги.
Миллий статистика бюроси маълумотларига кўра, улгуржи савдо ҳажми 19,6 трлн тенгега етган ва ўтган йилнинг шу даврига нисбатан 6,5% га ошган. Бу мамлакатда савдо фаолияти ўсишининг асосий ҳиссасини таъминлаган.
Ижобий динамика чакана савдо сегментида ҳам сақланиб қолмоқда. Беш ой давомида чакана савдо ҳажми 9 трлн тенгени ташкил этган ва қиёсий нархларда 3,6% га ўсган.
Савдо ҳажми бўйича етакчи ўринлар қуйидагича:
- Алмати шаҳри — умумий ҳажмнинг 34,5%;
- Астана шаҳри — 13,9%;
- Атирау вилояти — 11,5%;
- Қарағанди вилояти — 6,1%;
- Чимкент шаҳри — 5%.
Ляззат Сейданова
Сейданова Ләззат Қалдыбековна Ташкент қаласында дүниеге келген. 1999 жылы Шымкент қаласындағы Халықаралық Экология Гумантарлық Академияның журналистика факультетін бітірген. Мамандығы журналист. Көп жылдар газет, журналдарда қызмет атқарған. Қазіргі таңда ҚР Президентінің Телерадиокешенінде “ҚазАқпарат” халықаралық агенттігінде жұмыс істеп келеді.