ASTANA. Kazinform – Қозоғистонда янги ўқув йили 1 сентябрь эмас, балки 2 сентябрдан бошланади. Бу 30 август – Конституция куни муносабати билан таълим жараёнини бошлаш кунининг ўзгариши билан боғлиқ. Бу ҳақда ҚР Таълим-маориф вазири Ғани Бейсембаев Ҳукуматда бўлиб ўтган матбуот анжуманида маълум қилди.
“Ҳар йили ўқув йили 1 сентябрда бошланиб, 25 майда якунланади. Лекин бу йил ўқув жараёни 2 сентябрдан бошланади. Билим кунига бағишланган тантанали тадбирнинг вақти ва куни мактабнинг педагогик кенгаши томонидан белгиланади”, – деди вазир.
Қайд этиш жоизки, август ойида қозоғистонликлар тақвимга мувофиқ дам оладилар. Шунингдек, 30 август – Конституция куни каби муҳим байрам яқинлашмоқда.
Конституция куни муносабати билан мамлакат фуқаролари қуйидагича дам оладилар:
беш кунлик иш ҳафтасида: 30, 31 август ва 1 сентябр (жума, шанба, якшанба) – кетма-кет уч кун дам олиш;
олти кунлик иш ҳафтасида: 30 ва 31 август (жума ва шанба) – икки кун дам олиш.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы