Қозоғистон Миллий банки маълумотларига кўра, 6 август эрталаб ҳолатига бир грамм олтин нархи 61 444,62 тенгени ташкил этди.
Бир ҳафта аввал, 30 июлда қимматбаҳо металлнинг бир грамми 61 889,33 тенгедан сотилган эди. Шу тариқа, бир ҳафта ичида олтин нархи 444,71 тенгега арзонлашди.
Аввалроқ Қозоғистон 2026 йил иккинчи чораги якунларига кўра, марказий банклар орасида энг йирик олтин харидорлари бешлигига киргани ҳақида хабар берилган эди.
Жаҳон олтин кенгаши маълумотларига кўра, ушбу даврда Қозоғистон Миллий банки олтин захираларини 15 тоннага оширган.
Умуман олганда, апрель ойидан июнь ойигача бўлган даврда дунё марказий банклари қарийб 289 тонна олтин сотиб олган. Бу ўтган йилнинг шу даврига нисбатан 62 фоизга кўп.
Жаҳон олтин кенгаши талабнинг ошишини геосиёсий ноаниқлик, чорак давомида қимматбаҳо металл нархининг пасайиши ҳамда мамлакатларнинг халқаро захираларини диверсификация қилишга интилиши билан изоҳлади.