Қозоғистонда асоссиз бойиб кетганлар жавобгарликка тортилиши мумкин

NUR-SULTAN. Kazinform – Коррупцияга қарши кураш агентлиги фаолиятининг белгиловчи вектори Миллий ривожланиш режасидир. Бу ҳақда агентлик бошлиғи Олжас Бектенов маълум қилди, дея хабар беради Kazinform.

«2 февралда Президент қарори билан тасдиқланган Коррупцияга қарши сиёсат концепцияси лойиҳаларни бошқариш механизмларидан фойдаланган ҳолда фаол амалга оширилмоқда. Бу келгуси беш йил давомида коррупцияга қарши курашда ҳал қилувчи ҳужжатдир. Унда харидлар ва бюджет жараёнининг шаффофлигини ошириш, коррупцияга ботган мансабдор шахсларнинг жавобгарлигини кучайтириш, жамоатчилик назоратини кучайтириш ва бошқаларга оид асосий вазифалар ва тизимли чора-тадбирлар ўрин олган», — деди Олжас Бектенов ҚР Коррупцияга қарши курашиш агентлиги ҳайъат йиғилишида.

Унга кўра, асоссиз бойиб кетганлик учун жавобгарлик жорий этишни назарда тутувчи қонун лойиҳаси Парламент муҳокамасига киритилган.

«Молиявий тергов институтини жорий этиш бўйича иш олиб борилмоқда – агентликда тегишли бўлим ташкил этилди. Фронт-офис ва 1424 кол-маркази фаолиятини қайта йўлга қўйдик, тушунтириш ва ҳуқуқий ёрдамни кучайтирдик. Концепция ижроси Давлат раҳбари назоратида. Яқин орада бу масалалар Президент ҳузуридаги Коррупцияга қарши курашиш комиссиясида кўриб чиқилади», — дея қўшимча қилди «Антикор» раҳбари.