Статистика маълумотларига кўра, мамлакатдаги чой ишлаб чиқаришнинг 92,1 фоизи Алмати шаҳри ҳиссасига тўғри келади — 3 528 тонна. Бу шаҳарга ушбу маҳсулотни ишлаб чиқариш бўйича мамлакат ҳудудлари орасида етакчилик мавқеини сақлаб қолиш имконини беради.
Шу билан бирга, ички бозор эҳтиёжларининг салмоқли қисми импорт ҳисобига қопланмоқда. Январь–июль ойларида Қозоғистонга 18,3 минг тонна чой импорт қилинган, импорт маҳсулотларининг улуши эса 74,1 фоизни ташкил этган.
Олти ой давомида мамлакатдан 3,9 минг тонна чой ва қаҳва экспорт қилинди. Шу даврда ички бозорда 20,8 минг тонна маҳсулот сотилди.
Қозоғистоннинг ҳар бир аҳолисига ўртача ойига қарийб 100 грамм чой тўғри келади.
Қозоғистонга чой етказиб берувчи асосий давлат Кения бўлиб қолмоқда — импорт қилинган маҳсулотнинг қарийб 27,2 фоизи унинг ҳиссасига тўғри келади. Ҳиндистон, Россия, Италия ва Хитойдан ҳам катта ҳажмда чой импорт қилинади.