Ҳужжат глобал транспорт-логистика занжирлари ўзгариб бораётган ҳозирги даврда Транскаспий халқаро транспорт йўлагининг (Ўрта йўлакнинг) барқарор фаолият юритиши ва комплекс ривожланиши учун умумий ҳуқуқий асосни шакллантиради.
Келишув томонларнинг инфратузилма қувватларини кенгайтириш, йўналиш бўйлаб темир йўл, автомобиль транспорти ва порт ҳудудларидаги заиф нуқталарни бартараф этиш, шунингдек, Каспий денгизида денгиз тубини чуқурлаштириш ишларини амалга оширувчи флот ва денгиз ташувларини биргаликда ривожлантиришини таъминлайди.
Ҳужжатнинг асосий қисми транспорт соҳасини кенг кўламда рақамлаштиришга бағишланган. Бу ахборот тизимларини интеграция қилиш, «ягона дарча» тамойилини жорий этиш, юклар ҳаракатини тўлиқ кузатиб бориш, шунингдек, электрон рақамли имзоларни ўзаро тан олиш тўғрисида алоҳида келишув тузишни ўз ичига олади.
Бундан ташқари, келишув олдиндан ўзаро ахборот алмашиш, текширувлар сонини камайтириш ва ваколатли иқтисодий операторлар мақомини тан олиш орқали маъмурий, чегара ва божхона жараёнларини сезиларли даражада соддалаштиради.
Эслатиб ўтамиз, аввалроқ Тоқаев ва Алиев Транскаспий оптик толали алоқа тармоғини ишга тушириш маросимида иштирок этгани ҳақида хабар берилган эди.