Амалга оширилаётган ишлар натижасида Манғистау, Шарқий Қозоғистон вилоятларида ва Алмати шаҳрида Қозоғистон-Германия қўшма университетлари очилди.
“Бу мисоллар қуйидаги муҳим тамойилнинг тўғри эканини кўрсатади: аниқ иқтисодий ва технологик эҳтиёжларга мос келадиган академик ҳамкорлик самарали бўлади. Университетлар саноатдан ажратилмаслиги керак. Илмий тадқиқотлар янги технологияларни яратишга туртки бериши лозим. Таълим тизими эса иқтисодиётни юқори малакали мутахассислар билан таъминлаши зарур”, – деди Президент.
Қасим-Жомарт Тоқаев билим алмашиш тажрибасидан билимларни биргаликда яратиш жараёнига ўтиш имконини берадиган ҳамкорликнинг учта асосий йўналишини таклиф қилди.
“Биринчидан, қўшма таълим дастурларини кўпайтириш ва ҳамкор олий таълим муассасалари ўртасидаги қўш дипломли дастурлар доирасини кенгайтириш керак. Икки мамлакат талабалари ва тадқиқотчиларининг биргаликда ишлаши учун имконият яратиш муҳим. Шу муносабат билан мамлакатларимиз ўртасидаги академик алоқаларни мустаҳкамлашга хизмат қиладиган махсус таълим алмашинуви дастурини ишга туширишни таклиф қиламан”, – деди Президент.
Эслатиб ўтамиз, Давлат раҳбари Германиянинг етакчи олий таълим муассасалари ректорлари ва илмий институтлар раҳбарлари билан учрашди.