“Биз келишувга эришганимиз ва бугун сизни пойтахтда кўриб турганимиз учун ўз миннатдорчилигимни билдирмоқчиман. Бу давлатлараро муносабатларимизда жуда муҳим ва мисли кўрилмаган воқеадир. Бу муносабатлар жуда мустаҳкам стратегик шериклик, иттифоқчилик пойдеворига асосланади. Мен бугун Қозоғистон оммавий ахборот воситаларидаги мақолангизни диққат билан ўқиб чиқдим. Сизга миннатдорчилик билдираман ва ўз навбатида мен ҳам ўз мақоламни Россия оммавий ахборот воситаларида эълон қилдим. Ўйлайманки, биз бир овоздан келажакка йўналтирилган ҳамкорликни ривожлантиришнинг барча йўлларини батафсил баён қилдик”, – деди Президент.
Қасим-Жомарт Тоқаев ўз мақоласида Қозоғистон Россиянинг ишончли стратегик ҳамкори ва иттифоқчиси бўлиб келганини ва ҳозирги қийин даврда ҳам шундай бўлиб қолишини айтди.
“Сизнинг сафарингиз кун тартиби кенг қамровли. Ташрифингиз арафасида Ҳукумат аъзолари иш олиб борди ва кун тартибидаги барча масалаларни муҳокама қилди”, — деди Қасим-Жомарт Тоқаев.