Қозоғистон олимлари томонидан ишлаб чиқилган онкологияга қарши дори жорий йилда рўйхатга олинади
ASTANA. Кazinform – ҚР Бош вазири Олжас Бектенов Ҳукуматнинг кенгайтирилган йиғилишида Дос Сарбасов бошчилигидаги қозоғистонлик олимлар томонидан ишлаб чиқилган онкологияга қарши дори йил охиригача рўйхатга олинишини маълум қилди.
- Қозоғистонлик бир гуруҳ олимлар онкологик касалликларни даволаш учун дори ишлаб чиқди. Ҳозирда клиник синовларнинг иккинчи босқичи давом этмоқда. Уни якунлаш ва дори воситасини рўйхатдан ўтказиш жорий йилнинг охирига қадар режалаштирилган, – деди Олжас Бектенов.
Эслатиб ўтамиз, пойтахтда Президент Қасим-Жомарт Тоқаев раислигида Ҳукуматнинг кенгайтирилган йиғилиши бўлиб ўтмоқда.
Унда мамлакатни 2024 йилда ижтимоий-иқтисодий ривожлантириш якунлари сарҳисоб қилиниб, келгуси давр учун асосий вазифалар белгилаб берилди.
Аввалроқ қозоғистонлик олимнинг онкологияга қарши дориси қачон ишлаб чиқарилиши ҳақида ёзган эдик.