Қозоғистон Конституцияси Брайль алифбосида ва аудио версияда тақдим этилди
АSTANА.Кazinform - Миллий китоб куни муносабати билан ташкил этилган Китоб ҳафталиги доирасида Республика кўзи ожизлар ва кўриш қобилияти заифлар кутубхонасида Қозоғистон Республикаси Конституциясининг янги нашри тақдимоти бўлиб ўтди.
Фото: Ақорда
Маданият ва ахборот вазирлиги маълумотларига кўра, нашр қозоқ ва рус тилларида Брайль алифбосида, шунингдек, аудио версияда тайёрланган.
Тадбир давомида кутубхона ходимлари иштирокчиларни кўтарилган нуқтали шрифтда босилган китобларни тайёрлаш жараёни билан таништирдилар ва уларни яратиш босқичларини кўрсатдилар.
Фото: Маданият ва ахборот вазирлиги
Янги Конституция мамлакат тараққиётида янги босқични белгилайди. Мустақилликни мустаҳкамлаш, сиёсий тизимни модернизация қилиш ва ижтимоий ривожланишнинг янги моделини шакллантиришга қаратилган ҳужжат сифатида Конституция алоҳида аҳамиятга эга.
Тадбирнинг асосий мақсади муҳим давлат ҳужжатларини барча фуқаролар учун очиқ қилиш ва барча учун тенг имкониятларни таъминлашдир.
Эслатиб ўтамиз, Конституция расман 1 июлдан кучга киради.
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.