«Қозоғистон халқига» жамғармаси «Қозоғистон халқига» таълим грантлари» хайрия дастури доирасидаги грантлар сонини кўпайтиришга қарор қилди. Талаба ва абитуриентларга бакалавриат йўналишлари бўйича жами 2350 та грант ажратилади, стипендияларнинг белгиланган миқдори 40 000 тенгени ташкил қилади.
Дастлаб 360 та грант ажратиш режалаштирилган эди, бироқ аризалар кўп бўлгани учун грантлар сони кўпайтирилди.
Таълим грантига номзодларни танлаш мезонлари билан Жамғарманинг сайти орқали qazaqstanhalqyna.kz танишишингиз мумкин.