Терминал Қозоғистонга нима беради?
“Айни пайтда Қозоғистон билан сиз айтаётган ерни ўзлаштириш лойиҳаси Эроннинг хусусий компанияси иштирокида ишлаб чиқилмоқда. Яъни, дастлабки келишувлар мавжуд. Бу йил содир бўлиши мумкин.
Агар бу режа амалга ошса, Қозоғистон учун ҳар томонлама фойдали бўларди. Бандар-Аббосдаги ваколатхонаси орқали Эрон жанубидаги портларга кириш имконига эга. Шу тариқа у Жануби-Шарқий Осиё давлатлари, Африка давлатлари, Ҳиндистон ва Форс кўрфази мамлакатлари бозорларига чиқиши мумкин. Бу Қозоғистон учун денгиз йўлларига эркин чиқишнинг ягона йўли бўлади”, – дейди Али Акбар Жоукар.
Ташаббус қаердан чиқди?
Эслатиб ўтамиз, ҚР Президенти Қасим-Жомарт Тоқаев 2022 йилда Эронга ташрифи чоғида Форс кўрфазидаги Бендер-Аббас портида Қозоғистон терминали қурилиши учун 15 гектар ер ажратишга келишиб олган эди.