Финалда Қозоғистон терма жамоаси Бразилия спортчиларига қарши баҳс олиб борди. Асосий беллашувлар 3:3 ҳисобида дуранг билан якунланганидан сўнг, ғолибни аниқлаш учун қўшимча беллашувга қуръа ташланди. Қуръа натижасига кўра, -48 кг вазн тоифаси танланди ва ҳал қилувчи беллашувда Иянат Жубатқан Қозоғистонга чемпионлик унвонини қўлга киритди.
Финалда Қозоғистон таркибида Расулхан Ғабит (-60 кг), Инжу Жумажан (-63 кг), Бекали Еркен (-81 кг), Тоғжан Тўлебай ( 63 кг), Адилжан Жаудинов ( 81 кг) ва Иянат Жубатқан (-48 кг) баҳслашди.
Қозоғистон терма жамоаси мусобақани Болгарияни 4:1 ҳисобида мағлуб этишдан бошлади. Чорак финалда Япония терма жамоаси 4:2 ҳисобида, ярим финалда эса Ўзбекистон спортчилари 4:2 ҳисобида мағлуб этилди.
Бу — Қозоғистон дзюдоси тарихида ўсмирлар ўртасидаги жаҳон чемпионатининг аралаш жамоавий баҳсларида қўлга киритилган илк чемпионлик унвонидир.