Конституциявий ислоҳот: Халқ кенгаши референдум ўтказиш ташаббусини кўтариши мумкин

АSTANА. Kazinform – Конституциявий ислоҳотлар бўйича комиссиянинг навбатдаги йиғилишида Конституциявий суд раиси ўринбосари Бақит Нурмуханов Қозоғистон Халқ кенгашига республика референдумини ўтказиш ташаббусини кўтариш ҳуқуқи берилишини маълум қилди.

– Унинг Қурултойга қонун лойиҳаларини киритиш, республика референдумини тайинлаш бўйича таклифга ташаббус кўрсатиш ваколатлари белгиланди, – деди у.

Унинг айтишича, бу Конституцияга Қозоғистон Халқ кенгашига оид масалаларни тартибга солувчи алоҳида бўлим киритишни талаб қилади.

– Таркибига мамлакат фуқаролари кирувчи бу юқори маслаҳат органи Қозоғистон халқи манфаатларини ифода этади, – деди Конституциявий суд раиси ўринбосари.

Эслатиб ўтамиз, Конституция матнининг 84 фоизи тузатилди.