Комендатура маълумотларига кўра, махсус операция давомида Жетису ва Науризбай туманларида террорчилик, талончилик ва бошқа жиноятларнинг 2159 нафар иштирокчиси қўлга олинган. 67 дона ўқотар қурол ва 3112 дона ўқ-дори мусодара қилинди.
«Ўтган кун давомида «102» рақамига 754 та хабар келиб тушди. Комендатнинг Cаll-марказига фуқаролардан тезкорлик билан ҳаракат қилишга чақирувчи 175 сигнал келиб тушди. Барча хабарлар ўз вақтида кўриб чиқилди», — деди Алмати коменданти матбуот котиби Салтанат Азирбек.
Шунингдек, у аҳолини комендантлик соатини бузмасликка чақирди.
Муаллиф: Алма Муқанова