Чемпионат раҳбарияти қарорига кўра, ушбу ҳафтага режалаштирилган барча турнир тадбирлари тўхтатилди. Бундай қарор зилзиладан жабрланганларга ёрдам кўрсатиш мақсадида қабул қилинди. Олий ва иккинчи дивизиондаги барча 36 та клуб жабрланган ҳудудларга ёрдам бериш ва уларни тиклаш ишларига ўз ҳиссасини қўшади.
“Бугун футбол кута туриши мумкин, Колумбияга бизнинг ёрдамимиз керак”, — дейилади баёнотда.
Аввалроқ Колумбия геология хизмати Чоко департаментидаги Сан-Хосе-дель-Пальмар шаҳри яқинида магнитудаси 7,4 балл бўлган зилзила содир бўлгани ҳақида хабар берган эди.
Колумбия президенти Абелардо де ла Эсприэльянинг айтишича, ҳалок бўлганлар сони 111 кишига етган. Энг кўп зарар Перейра ва Манисалес шаҳарларида қайд этилган.
Зилзила силкинишлари қўшни давлатларда, жумладан Панамада ҳам сезилган.
Аввалроқ Япониянинг Хонсю ороли соҳилида 5,4 балли зилзила содир бўлгани ҳақида хабар берган эдик.