BISHKEK. Kazinform - Қирғизистонда олти ой давомида селдан кўрилган моддий зарар 1,1 миллиард сомдан ортиқни ташкил қилди. Бу ҳақда Қирғизистон Фавқулодда вазиятлар вазирлигининг биринчи ўринбосари Азамат Мамбетов матбуот анжуманида маълум қилди, дея хабар беради Kazinform агентлиги мухбири.
Унга кўра, жорий йил бошидан буён 24 июль ҳолатига кўра республика ҳудудида 311 марта сел содир бўлган. Моддий зарар миқдори 1,1 миллиард сомдан ошди ва яқинда Ўш ва Арслонбоб шаҳарларида содир бўлган сел оқимини ҳисобга олган ҳолда ўзгаради. Табиий офат оқибатида мамлакатда 22 киши ҳалок бўлди: Ўш вилоятида – 15, Ўш шаҳрида – 5, Жалолобод вилоятида – 1, Боткен вилоятида – 1 киши.
Эслатиб ўтамиз, 28 июнь куни Қирғизистоннинг Ноокат вилоятида сел оқими содир бўлган эди. Табиий офат аҳоли ва сайёҳлар орасида талофатларга олиб келди. Ҳалок бўлганлар орасида қозоғистонлик болалар ҳам бор.
14 июль куни Ўш шаҳрида содир бўлган даҳшатли сел оқибатида 5 киши, жумладан бир оила аъзоси – она ва уч қиз ҳалок бўлди.
23 июль куни Жалолобод вилояти Бозорқўрғон тумани Арслонбоб қишлоғида кучли сел 23 та автомобилни олиб кетган, шифохона, савдо уйи, 5 та кўприкни сув босиб, 1 километр ички йўлни ювиб кетган.
Муаллиф: Гулмира Абдраҳманова
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.