Қирғизистон Марказий сайлов комиссиясининг маълумотларига кўра, президентлик сайловида 11 нафар номзод иштирок этади.
Улар:
* Садир Жапаров (ҳозирги президент)
* Аймен Касенов (тадбиркор)
* Азамат Есенбеков (тадбиркор)
* Сиймиқ Жапикеев (молия полициясининг собиқ раҳбари)
* Акай Қидиров (тадбиркор)
* Исҳоқ Масалиев (Жогорку Кенешнинг собиқ депутати)
* Бақтибек Қалмаматов (Жогорку Кенешнинг собиқ депутати)
* Бақтибек Адилов (Давлат миграция хизматининг собиқ раиси)
* Амур Айба Медер ("Бойл" МЧЖ директори)
* Мамбетжунис Абилов (Марказий сайлов комиссияси ва Фавқулодда вазиятлар вазирлигининг собиқ раҳбари)
* Клара Сооронқулова (Олий суд Конституциявий палатасининг собиқ судьяси)
Номзодларни қўллаб-қувватловчи сайловчиларнинг электрон имзоларини тўплаш 2026 йил 7 декабргача давом этади. Қонунга кўра, ҳар бир номзод рўйхатдан ўтиш учун камида 30 000 сайловчи имзосини тўплаши керак.
Рўйхатдан ўтиш учун зарур бўлган ҳужжатлар 2026 йил 13 декабргача қабул қилинади. Номзодлар ва уларнинг ваколатли вакиллари етишмаётган ҳужжатларни белгиланган тартибда тақдим этиш ҳуқуқига эга.
Президентликка номзодларни рўйхатга олиш 2026 йил 23 декабргача давом этади.