BISHKEK. Kazinform - Қирғизистон оммавий ахборот воситалари, интернет сайтлари ва ижтимоий тармоқлардаги туҳмат ва ҳақорат учун юқори жарималар жорий этиш ниятида. Жогорку Кенешнинг Қонунчилик, ҳуқуқ-тартибот, жиноятчилик ва коррупцияга қарши курашиш қўмитаси “Қирғизистон Республикасининг Жиноят кодексига ўзгартишлар киритиш тўғрисида”ги қонун лойиҳасини биринчи ўқишда маъқуллади, деб хабар беради Kazinform агентлиги мухбири.
Қонун лойиҳасида оммавий ахборот воситалари ва интернет сайтларида ҳақорат ёки туҳмат учун жисмоний шахсларга 1000 БҲМ(100 минг сом), юридик шахсларга 2000 БҲМ (200 минг сом) миқдорида жарима солиш назарда тутилган.
Қирғизистон Республикаси адлия вазири ўринбосари Орозбек Сидиқовнинг сўзларига кўра, ижтимоий тармоқлардаги постлар остидаги туҳмат ёки ҳақоратомуз мазмундаги изоҳлар учун ҳам жавобгарлик назарда тутилган.
Эслатиб ўтамиз, аввалроқ Қирғизистонда интернетдаги туҳмат ва ҳақорат учун жазони кучайтириш таклиф қилинаётгани хабар қилинганди. Бундан ташқари, мамлакатда фуқаролар мурожаатларини кўриб чиқиш тартибини бузганлик учун давлат мансабдор шахсларининг жавобгарлигини кучайтириш режалаштирилмоқда.
Шунингдек, меҳнат миграциясига кетаётган ота-оналарга фарзандларини васий ва ҳомийларни аниқламай қолдирганликлари учун жарима солиш таклиф этилмоқда. Мактабларда пул йиғиш учун жарима жорий этилади.
Муаллиф: Гулмира Абдраҳманова
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.