ASTANА. Кazinform – Қирғизистон таълим вазири Догдуркул Кендирбаева вояга етмаганларнинг ижтимоий тармоқларга кириши чекланиши мумкинлигини эълон қилди. Бу ҳақда Кazinformнинг Бишкекдаги мухбири маҳаллий ОАВга таяниб хабар берди.
Вазирнинг сўзларига кўра, болалар интернетда катталар назоратисиз кўп вақт ўтказадилар. Шу муносабат билан улар қандай маълумот кўришлари ва қандай контент истеъмол қилишларини назорат қилишнинг иложи йўқ. Бошланғич синф ўқувчилари ҳақида алоҳида ташвиш мавжуд. Улар кунига атиги уч соат дарсда, қолган вақтларини эса уйда ўтказадилар.
— Ҳозирда биз бу масалани кўриб чиқмоқдамиз. Мактабларда дарслар пайтида телефонлардан фойдаланиш тақиқланган. Улардан фақат ўқитувчи назорати остида таълим мақсадларида фойдаланишга рухсат берилади, — деди вазир.
Вазирлик маълумотларига кўра, Қирғизистон ҳам дунёнинг бир қатор мамлакатлари томонидан кўрилаётган чораларга қўшилиши керак. Болаларнинг ижтимоий тармоқлардан фойдаланишини чеклаш бўйича халқаро тажриба аллақачон мавжуд.
Эслатиб ўтамиз, Еврокомиссия 13 ёшдан кичик болаларга ижтимоий тармоқлардан фойдаланишни тақиқлашни таклиф қилмоқда.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.