Яқин кунларда Қозоғистон ҳудуди бўйлаб атмосфера фронтал қисмларининг ўтиши сабабли об-ҳаво ўзгарувчан бўлади, ёмғир ёғиши ва момақалдироқ бўлиши мумкин.
“13 ва 15 июнь кунлари Қостанай вилоятида, 15 июнда эса Манғистау, Шимолий Қозоғистон ва Ақмола вилоятларида кучли ёмғир ёғиши кутилмоқда”, — дейилади хабарда.
Давр давомида мамлакат шимоли ва шимоли-ғарбида, 15 июнда эса жануби-ғарбда дўл ва бўронли шамоллар бўлиши мумкин. Республика бўйлаб шамоллар кучайиши мумкин.
Кундузи Шарқий Қозоғистон ва Абай вилоятларида, 14-15 июнь кунлари Қарағанди, Жамбил, Алмати ва Жетису вилоятларида, 15 июнда эса Атирау вилоятида кучли иссиқлик сақланиб қолади.
Ҳаво ҳарорати 35… 38°C гача кўтарилади.