Кеча какаонинг биржа нархи бир тонна учун 10 000 долларга етди, кейинроқ 9847 долларга тушди. Йил бошидан бери какао нархи тахминан 2,4 баравар ошди (январь ойининг биринчи кунларида какао-ловиялари тахминан 4200 доллар туради).
Дунёдаги какао-ловия ишлаб чиқаришнинг деярли 60 фоизи Кот-д'Ивуар ва Ганадан келади. Бундай нарх динамикаси туфайли қандолат ва шоколад нархи ошиши мумкин.
Халқаро какао ташкилотининг ҳисоб-китобларига кўра, какао-ловияларининг глобал ишлаб чиқарилиши ўтган йилга нисбатан 11 фоизга камаяди. Дастлабки маълумотларга кўра, жорий йилда жаҳон бозорида какао-ловия тақчиллиги сентябрь ойигача 375 минг тоннани ташкил этади.