Jibek Joly халқаро поезд йўналиши орқали Туркистонга 300 нафар сайёҳ етиб келди
TÚRKІSTAN. Kazinform – Саёҳатчилар Туркистон шаҳрининг диққатга сазовор жойларини зиёрат қилиб, Наврўз байрамидан баҳраманд бўлишди.
Туркистон ўлкасида Наврўз кенг миқёсда нишонланмоқда.
“Наврўзнома” ўн кунлиги доирасида ташкил этилаётган байрам тадбирлари шаҳар аҳолиси ва меҳмонларида ўзгача кайфият яратмоқда.
Бугун вилоят марказида байрам тадбирлари ўтказилди. Тантанали йиғилишда Туркистон вилояти ҳокими Нуралхан Кўшеров иштирок этиб, вилоят аҳолиси ва меҳмонларини табриклади.
Туркистоннинг энг гўзал масканларидан бирига айланган “Карвонсарой” мажмуасида миллий анъана ва санъатни ўз ичига олган турли дастурлар намойиш этилди. Ҳунармандлар ва рассомларнинг кўргазмаси ташкил этилиб, ташриф буюрганлар қозоқ халқининг бой маданияти билан таништирилди. Миллий таомлар кўргазмаси орқали анъаналаримиз улуғланди. Миллий спорт турлари бўйича мусобақалар ўтказилиб, Наврўз байрамининг ёрқин анъаналари давом этди.
Концертда миллий чолғуларда ижро этилган куй ва халқ ўйинлари, туркий халқларнинг мусиқа санъати, қозоқнинг “Тойбастар”, “Науриз-думан” ва бошқа қўшиқлари, “Жарапазан” халқ қўшиғи, анъанавий бадиий чиқишлар намойиш этилди. Ўнлаб кигиз ўйлар қурилиб, мамлакатнинг бошқа вилоятлари ва хориждан келган саёҳатчилар Туркистон ўлкасида Наврўз байрамига гувоҳ бўлди.
Улар орасида Jibek Joly халқаро поезд йўналиши орқали Туркистонга келган 300 дан ортиқ сайёҳлар бор.
Саёҳатчилар Туркистон тарихи ва маданияти билан танишадилар. Отирар шаҳрини, Аристонбоб мақбарасини, Хўжа Ахмад Ясавий мақбарасини зиёрат қилишади.
Айтиш жоизки, Jibek Joly туристик поезди ўтган йили ҳаракатлана бошлаган. Кўп кунлик саёҳат давомида сайёҳлар Алмати шаҳридан бошлаб, Туркистон, Тошкент, Самарқанд ва Чимкент шаҳарларига ташриф буюриб, уларнинг диққатга сазовор жойлари билан танишадилар.