CNN Турк телеканали мэрнинг ҳибсга олиниши сабабини маълум қилди.
“Истанбулнинг мухолиф мери Экрем Имомоглу коррупция, порахўрлик ва товламачилик билан шуғулланган ташкилотга алоқадорликда айбланиб ҳибсга олинди. Унинг уйида тинтув ўтказилиб, полиция қўриқлаши остида суд биносига олиб кетилган”, – деб хабар берди телеканал.
Шунингдек, прокуратура коррупция, порахўрлик, фирибгарлик ва давлат маблағларини ўзлаштиришда гумон қилинган 100 нафар шахсни ҳибсга олиш, тинтув қилиш ва ҳибсга олиш ҳақида буйруқ берганини маълум қилди.
Шу ҳафта Истанбул университети Имомоғлунинг дипломини ноқонуний деб топди ва уни бекор қилди. Шаҳар прокуратураси унинг дипломининг ҳақиқийлигини текширишни талаб қилган.
Истанбул мэри мухолифатдаги “Республика Халқ” партияси томонидан ўтказилган ички сайловда президентликка ягона номзод сифатида сайланди. У бўлажак президентлик сайловларида ҳукмрон партия номзодига асосий рақиб бўлиши мумкин эди.
Экрем Имомоглу 2024 йил апрель ойида Истанбул мэри этиб қайта сайланган. У аввалроқ 5 йил давомида шаҳарни бошқарган.
Истанбул мэри Экрем Имомоглуни ҳибсга олиш учун ордер берилгани ҳақида аввал хабар берган эдик.