Ҳиндистоннинг Манипур штатида кўчки қурбонлари сони 42 кишига етди

NEW DELHI. Kazinform – Ҳиндистоннинг Манипур штатида содир бўлган кўчки оқибатида ҳалок бўлганлар сони 42 кишига етди, улардан 27 нафари ҳудудий армия ҳарбий хизматчиси ва 15 нафари тинч аҳоли вакиллари, дея хабар беради Kazinform The Tribune нашрига таяниб.

Нони вилоятидаги темир йўл қурилиши майдончасидаги кўчки оқибатида ҳалок бўлганлар сони ортди. Якшанба куни вайроналар остидан яна саккиз кишининг жасади топилган.

Айни пайтда шанба кунидан бери давом этаётган кучли ёмғир ва янги кўчкилар қидирув ишларига тўсқинлик қилмоқда, 20 киши бедарак йўқолган. Ҳудудий армиянинг 13 нафар ходими ва беш нафар тинч аҳоли қутқариб олинди.

Расмийларнинг айтишича, ҳудудда саккиз шимоли-шарқий штат пойтахтларини мамлакат темир йўл тармоғи билан боғлаш лойиҳаси доирасида 110 километрлик Джирибам-Импхал темир йўл линияси қурилмоқда.

Кўчки Ижай дарёсини тўсиб қўййиши натижасида сунъий сув омбори пайдо бўлган, бу эса ўз навбатида қуйида жойлашган аҳоли пунктларини сув босиши хавфини туғдирди. Айни пайтда сув оқиб кетиши учун дарёни тозалаш ишлари олиб борилмоқда.