Ҳодиса шанба куни кечқурун Уттар-Прадеш штатининг Канпур туманида содир бўлган. Тиркамасида 50 га яқин одам бўлган трактор ҳайдовчиси бошқарувни йўқотиб қўйган ва трактор сувга думалаб кетган. Қурбонларнинг барчаси маҳаллий ибодатхоналардан бирида диний маросимдан сўнг уйларига қайтаётган зиёратчилардир.
Жабрланганлар шифохонага етказилган, қутқарув ишларига полиция ва маҳаллий аҳоли жалб қилинган.
Уттар-Прадеш бош вазири Йоги Адитьянатҳ ўлганлар ва жароҳатланганларнинг оилаларига ҳамдардлик билдириб, трактор тиркамаларидан одамларни ташишда фойдаланмасликка чақирган баёнот берди. У тиркамалар фақат юк ташиш учун ишлатилиши кераклигини таъкидлади.
Фото: india.cоm