Баъзи экспертларнинг таъкидлашича, бундай ҳаракатлар сайловчи сифатида рўйхатдан ўтиш учун пул таклиф қилишни тақиқловчи АҚШ қонунларини бузиши мумкин.
АҚШда овоз бериш учун олдиндан рўйхатдан ўтишингиз керак. Иккала номзод Камала Харрис ва Дональд Трампнинг лагерлари ўз тарафдорларини рўйхатдан ўтишга ва овоз беришга чақирмоқда.
"Менимча, Маскнинг қилаётган иши ноқонуний", – деди Жорж Вашингтон университети ҳуқуқ профессори Пол Шифф Берман.
Унинг эслатишича, АҚШ Сайлов кодексига кўра, “сайловда рўйхатдан ўтиш ёки овоз бериш учун пул тўлаган, тўлашни таклиф қилган ёки йиғим олган” шахс 10 минг долларгача жаримага тортилиши ёки беш йилгача қамоқ жазосига маҳкум этилиши мумкин.
"Унинг таклифи фақат рўйхатга олинган сайловчилар учун амал қилади, шунинг учун мен буни қоидаларга зид деб ҳисоблайман", – деди профессор Берман.
АҚШ Адлия вазирлиги Маскнинг ташаббусига изоҳ беришдан бош тортди. Федерал сайлов комиссияси (ФСК) бу саволга ҳали жавоб бермади.