Маҳаллий ОАВ маълумотларига кўра, жорий йилнинг биринчи ярмида Хитойдан Қозоғистонга авиачипталарни брон қилиш сони 86 фоизга, Ўзбекистонга чипталар савдоси 78 фоизга, Тожикистонга чипталарни брон қилиш 48 фоизга, Қирғизистонга саёҳатлар эса икки баробардан кўпроққа ошган.
Сўнгги ойларда Хитой Марказий Осиё билан халқаро ҳаво алоқаларини кенгайтиришда давом этмоқда. China Eastern Airlines тез орада янги Шанхай-Алмати йўналишини ишга туширишни режалаштирмоқда, China Southern Airlines эса Гуанчжоудан Алмати ва Тошкентга парвозларни бошлайди.
Эслатиб ўтамиз, Хитой ва Қозоғистон ўртасида визасиз режим жорий этилганидан кейин 2024 йилда Хитойдан Қозоғистонга ташриф буюрган сайёҳлар сони 655 минг кишини ташкил этди, бу 2023 йилга нисбатан 78 фоизга кўпдир.