Хитойдан Алматига яна бир тўғридан-тўғри рейс очилди

ALMATY. Kazinform – Алмати халқаро аэропорти Хитойдан янги рейсни қабул қилди.

China Southern Airlines авиакомпанияси Гуанчжоу – Алмати – Гуанчжоу янги халқаро йўналишини ишга туширди. Парвозлар ҳар ҳафта душанба, чоршанба ва жума кунлари амалга оширилади.

Эслатиб ўтамиз, Хитойдан Қозоғистонга парвозларни бронь қилиш 80 фоизга ошди.

Фото: Алматы халықаралық әуежайы

Қозоғистон ва Хитой ўртасида визасиз режим жорий этилганидан бери 2024 йилда Хитойдан Қозоғистонга саёҳат қилган сайёҳлар сони 655 минг кишига етди, бу 2023 йилга нисбатан 78 фоизга кўпдир.

Аввалроқ Қозоғистон жорий йилда 32 та халқаро рейсни йўлга қўйиши ҳақида ёзган эдик. Улардан 15 таси мутлақо янги йўналишлар бўлади. Янги арзон авиаташувчилар рўйхатига Spice Jet (Ҳиндистон), Thai AirAsia X (Таиланд), Easter Jet (Жанубий Корея), T’Way Air (Жанубий Корея), Air Arabia Abu Dhabi (БАА) киради.