ASTANА. Кazinform — 2025 йил охирига келиб, Хитойда 60 ёшдан ошганлар сони 323,38 миллионга етди, бу мамлакат аҳолисининг 23 фоизини ташкил этади. Бу ҳақда Kazinformнинг Пекиндаги мухбири China Daily газетасига таяниб хабар берди.
Ушбу маълумотлар Хитой Фуқаролик ишлари вазирлиги ва Миллий қариялар қўмитаси томонидан тайёрланган 2025 йилда қарияларни парвариш қилиш тизимини ривожлантириш бўйича миллий ҳисоботда келтирилган.
Ҳужжатга кўра, 2025 йил охирига келиб, 65 ёшдан ошганлар сони 223,65 миллионга етди. Бу мамлакат аҳолисининг 15,9 фоизини ташкил қилади. Шу билан бирга, қарияларга демографик юк коэффициенти 23,1 фоизгача ошди.
Бу рақам шуни англатадики, ҳар 100 нафар меҳнатга лаёқатли фуқарога тахминан 23 нафар қария тўғри келади. Натижада, Хитойнинг ижтимоий таъминот ва пенсия тизимига юк ортиб бормоқда.
Ҳисоботда шунингдек, соғлиқни сақлаш тизимидаги ютуқлар туфайли Хитойда ўртача умр кўриш давомийлиги 79,25 ёшгача ошганлиги таъкидланган.
Эслатиб ўтамиз, Хитой ҳукумати мамлакат аҳолисининг ўртача умр кўриш давомийлигини 80 ёшгача оширишни режалаштираётгани ҳақида хабар берган эди.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.