Ҳисобот даврида гуманоид роботларнинг глобал етказиб берилиши ўтган йилга нисбатан 272 фоизга ўсиб, 19 100 донани ташкил этди. Уларнинг 85 фоиздан ортиғи Хитой бозорига тўғри келди.
Хитойда 400 дан ортиқ гуманоид робот моделлари ишлаб чиқилган. Бу дунёдаги бундай роботларнинг умумий сонининг ярмидан кўпини ташкил қилади. Тўрт оёқли роботлар сегментида хитойлик ишлаб чиқарувчиларнинг улуши глобал савдонинг тахминан 70 фоизини ташкил қилади. Эҳтиёт қисмларни маҳаллийлаштириш даражаси эса 90 фоиздан ошади.
— Бу йил Хитой 100 мингдан ортиқ гуманоид роботлар ишлаб чиқариши мумкин. Бу кўрсаткич келгуси йилларда янада ошиши кутилмоқда, — деб нашр First Seafront Fund Шэньчжень жамғармаси бош иқтисодчиси Ян Делоннинг сўзларидан иқтибос келтирар экан.
Расмий статистика маълумотларига кўра, йилнинг биринчи ярмида Хитойдан саноат роботлари экспорти ҳажми 6,29 миллиард юанни (876 миллион доллар) ташкил этди, бу 141 мамлакат ва минтақаларни қамраб олди. Жарроҳлик роботлари экспорти 3,3 бараварга, робототехника маҳсулотларининг умумий экспорти эса 359 фоизга ошди.
Эслатиб ўтамиз, Хитой гуманоид роботларни ишлаб чиқиш бўйича дунёда етакчилик қилмоқда.