ASTANA. Kazinform — Хитой табиий ресурсларни ўрганиш, қишлоқ хўжалиги экинларининг ҳосилдорлигини баҳолаш ва табиий офатларнинг олдини олишга мўлжалланган Ерни масофадан зондлашга хизмат қилувчи икки гуруҳ сунъий йўлдошини муваффақиятли равишда фазога учирди, деб хабар беради Kazinform Синьхуа агентлигига таяниб.
«Яогань-53» (Yaogan-53) гуруҳининг 07–09-сунъий йўлдошлари ва «Яогань-56» (Yaogan-56) гуруҳининг 19-21-сунъий йўлдошлари Астана вақти билан соат 06:25 да (Пекин вақти билан 03:25 да) «Чанчжэн-4Б» (Long March-4B) ракета-ташувчиси ёрдамида учирилиб, белгиланган орбиталарга муваффақиятли чиқарилди.
Ушбу сунъий йўлдошлар, асосан, илмий тажрибалар ўтказиш, Ер ва табиий ресурсларни ўрганиш, қишлоқ хўжалиги экинларининг ҳосилдорлигини баҳолаш, шунингдек, табиий офатларнинг олдини олиш ва уларнинг оқибатларини камайтиришга мўлжалланган.
Бу «Чанчжэн» («Буюк юриш») туркумидаги ракета-ташувчилар ёрдамида амалга оширилган 673-фазовий миссия бўлди.
Ляззат Сейданова
Сейданова Ләззат Қалдыбековна Ташкент қаласында дүниеге келген. 1999 жылы Шымкент қаласындағы Халықаралық Экология Гумантарлық Академияның журналистика факультетін бітірген. Мамандығы журналист. Көп жылдар газет, журналдарда қызмет атқарған. Қазіргі таңда ҚР Президентінің Телерадиокешенінде “ҚазАқпарат” халықаралық агенттігінде жұмыс істеп келеді.