Танкер Мальта байроғи остида суюқ кимёвий моддаларни олиб кетаётган эди.
Бу ҳақда жума куни денгиз хавфсизлигига ихтисослашган «Trade Winds» портали маълум қилди. Тўққиз кишилик қуролли қароқчилар гуруҳи 11 март куни танкерга тушиб, экипажнинг 21 аъзосидан 15 нафарини ҳибсга олишди. Ўз навбатида, Dryad Global портали танкер экипажи Украина, Руминия ва Филиппин фуқароларидан иборатлигини айтмоқда. Ҳужум пайтида кема Нигериянинг эксклюзив иқтисодий зонасининг шарқий чегарасидан атиги 9 мил узоқликда бўлган.