Ўтган йил Грузияда 40 214 бола туғилган. Бу кўрсаткич 2022 йилга нисбатан 5 фоиз кам. Чақалоқларнинг 21 010 нафари ўғил, 19 204 нафари қиз бола. Ачинарлиси, мамлакатда янги дунёга келганларга нисбатан, 2542 нафар кўпроқ одам вафот этган, деб хабар беради Kazinform агентлиги ЎзАга таяниб.
“Коммерсанть” ёзишича, ўлим коэффиценти бир ёшгача бўлган гўдаклардан кўра, беш ёшгача болалар орасида юқори экан.
25 ёшгача бўлган оналар улуши 26,5 фоиздан 24,6 фоизга, 25-36 ёшли оналар рўйхати 69,6 фоиздан 69,4 фоизга тушган. 40 ёшдан катта оналар сони 4 фоиздан 6 фоизга кўтарилган.