Ғазо секторидан қозоғистонликлар ва уларнинг оила аъзолари Алматига учиб келишди
Қасим-Жомарт Тоқаевнинг топшириғига кўра, Қозоғистон Республикаси Ташқи ишлар вазирлиги Ғазо секторидан Қозоғистон фуқароларини эвакуация қилди, деб хабар беради Кazinform ҚР Ташқи ишлар вазирлигига таяниб.
Бугун 99 нафар йўловчи – Қозоғистон фуқаролари ва уларнинг оила аъзолари махсус эвакуация самолёти билан Алматига эсон-омон учиб келишди.
Аэропортда барча мажбурий тартиб-қоидалардан ўтгандан сўнг, эвакуация қилинган фуқаролар вақтинчалик уй-жой билан таъминланиб, уларга зарур ҳуқуқий, тиббий ва бошқа ёрдам кўрсатилмоқда.
Муваффақиятли эвакуация Қозоғистоннинг Исроил, Иордания ва Мисрдаги элчихоналари ушбу давлатларнинг ваколатли органлари ва халқаро ташкилотлар билан келишилган ишининг натижасидир.
Яқин Шарқ минтақаси ташқи сиёсат идоралари раҳбарияти билан олиб борилган музокаралар натижасида Қозоғистон Республикаси Ташқи ишлар вазирлиги фуқароларнинг Ғазо секторидан хавфсиз ва тўсиқсиз чиқиб кетиши бўйича келишувга эришди.
Қозоғистон дипломатлари можаро ҳудудида қолиб кетган Қозоғистон фуқароларига ёрдам кўрсатиш ва эвакуация тадбирларини ташкил этиш устида ишлашда давом этади.