Галле турнири: Александр Бублик дунёнинг биринчи ракеткасини мағлуб этди

ASTANА. Кazinform – Қозоғистоннинг биринчи ва дунёнинг 45-ракеткаси Александр Бублик Галле (Германия) АТP 500 турнирининг чорак финалига йўл олди.

Қозоғистонлик теннисчи иккинчи даврада дунёнинг биринчи ракеткаси, италиялик Янник Синнер билан тўқнаш келди.

Рақиблар бунгача беш марта тўқнаш келишган, уларнинг тўрттасида Синнер ғалаба қозонган.

Ваҳоланки, икки йил аввал улар Галле турнирининг чорак финалида тўқнаш келишган ва 7:5, 2:0 ҳисоби қайд этилган, Я.Синнер баҳсни давом эттиришдан бош тортган пайтда қозоғистонлик теннисчи ғалаба қозонганди. Кейинчалик Бублик Галледа чемпион бўлди.

Ўтган йили А.Бублик иккинчи босқичдан ўта олмаган, аммо италиялик спортчи ғолиб бўлганди.

Бу сафар Синнер учун биринчи сетда 1 брейк етарли бўлди - 6:3.

Иккинчи сетда Бублик худди шу ҳисоб билан ҳисобни тенглаштирди - 6:3.

Учинчи, ҳал қилувчи сетда ҳисоб 3:3 бўлганида қозоғистонлик теннисчи брейкни амалга ошириб, кейин ўз геймида ғалаба қозонди – 5:3. Кейин тўпни ўйинга узатганида ўз имкониятини бой бермади – 6:4.

2 соату 1 дақиқа давом этган шиддатли ўйинда Бублик 15 та эйс билан бирга 6 та брейк-пойнтдан 2 тасини фойдаланди. Синнер 6 эйс ва 1 брейк (9 брейк-пойнт) билан чекланди.

Шу тариқа, дунёнинг етакчи теннисчисига қарши баҳсда камбэк қилган Александр Бублик ярим финалга чиқиш учун дунёнинг 23-ракеткаси чехиялик Томаш Махач билан куч синашади.

Эслатиб ўтамиз, аввалроқ Анна Данилина Ноттингем турнирининг чорак финалига йўл олгани ҳақида хабар берган эдик.